丁文俊今日（8/4）現身灣仔會展出席「香港國際試食節暨優質食品博覽2025」活動。提到新歌《人有無數可能》MV終面世，丁文俊接受《香港01》訪問時表示：「今次呢個MV我係自己做埋監製，所有服飾都係自己搞點晒，而MV入面婚禮場景，都係喺朋友真實結婚嘅情景嚟，事前我都有同佢哋兩位新人溝通過，我哋會拍啲嘢，佢太太知道不知幾開心。」

丁文俊續說：「其實呢班好朋友好多都結晒婚，而家就只係淨返我仲未結婚，就係因為咁我先會有呢首歌，身邊有太多人催我婚。同埋呢首歌喺上年年尾開始做，前後都錄咗好多次音，而今次係我改變唱法嘅一首歌嚟，變咗分咗4至5次錄。」