陳展鵬下半年劇接劇出街爭視帝談續約條件:468萬包底薪簽十年

撰文:張國基
出版:更新:

陳展鵬昨日(22日)在電視城出席《全城迎奧運》直播再次打乒乓球竟輸給對手,之前他在綜藝節目《明星運動會》橫掃對手,他謙虛說:「咁啱乒乓球細個玩開,有少少大蝦細,有唔好意思,主要都係想支持香港運動員。」陳展鵬希望有時間可以一起上節目睇乒乓球賽:「今次公司請嘅評述員都係我師弟嚟,都幾有親切感。」

日前有傳陳展鵬與無綫續約鬧出問題,他否認:「唔好聽謠言,有排都未到。約滿唔係年底,會係數多幾年嘅年底。」對於有報道指其年薪500萬不及其他小生,他講笑說:「如果打折468萬一年,包底薪就簽十年,咁就聽話啦。」

陳展鵬澄清未傾續約。(陳順禎攝)

之前陳展鵬主演的劇集《逆天奇案》有好成績,他說:「喺呢個環境入面,有套劇食完飯可以講下,都唔係易事。」現時劇接劇工作,將於年底再做時裝劇男主角,他說會有新鮮感,一直有聽各種意見,拍劇時有變化,又謂讓觀眾接受不同嘗試。

陳展鵬今年對爭視帝有信心:「每一年有作品出街都有信心,我差唔多有三年冇出過劇,希望有好劇有好回報。」一套劇唔係淨係我一個,《逆天》台前幕後好大努力,唔敢話變化好大,真係有變化。」下半年陳展鵬將有三套劇集播出,似乎得到公司力捧:「「真係唔知。曾經天時地利人和都拎過視帝,最希望香港拍嘅劇得到香港觀眾支持,因為我哋講廣東話,喺香港取景。觀眾喜愛就有成績,會有返種共鳴感。」

+6
發表評論...