鄭子誠早前出席《七公主》宣傳活動，他表示在劇中自己沒有陰謀，有網友覺得他是老兵，但他覺得劇中角色是為喜歡的人做事，一切都是值得，而鄭子誠除了是完美奸人外，亦是港台DJ，主持了音樂節目《音樂情人》16年，原來每晚節目的開場白是由他撰寫，至今已用了16年，他說：「當時知道要接手呢個節目，我諗大大話話都諗咗兩個月，因為要不斷修改，開場白唔可以太長又唔可以太短，點樣可以喺分幾鐘入面，帶出你節目嘅宗旨?我曾經寫到好長，不斷刪減修改，到而家每晚用咗16年嘅版本，我曾經嘗試轉過，但聽眾朋友話唔好轉啦，而家睇返呢段開場白係永不過時，我節目嘅宗旨係讓音符代替動作，用歌詞代替說話，有時我哋想講嘅嘢，但我哋表達唔到自己，又或者我哋想表達自己，又唔敢係喜歡嘅人面前表達，所以就點解會有點唱出現，因為代表住每個人背後都有故事，音樂係無時間限制，好似酒一樣，越舊越醇，經得起時間考驗嘅音樂，就係好音樂。」