蔡思貝IG發文句句有骨落地唔怕得罪傳媒：係畀大家清晰知道
撰文：吳子生
出版：更新：
蔡思貝今晚出席《廉政狙擊·黑幕》煞科宴。（梁碧玲攝）
早前有報道指蔡思貝（Sisley）左右逢源，一邊與緋聞男友胡鴻鈞熱戀，並借用對方家姐胡嘉雯的名貴跑車代步，一邊獲金融才俊力追忽然變得富貴，並進駐西貢獨立屋做大宅主人。事後蔡思貝在社交平台發文回應報道，句句有骨落地：「我的確很富貴，因為我身邊有很多愛錫我，信任我的朋友親人和工作伙伴。我會繼續照顧好自己，做好我的工作，謝謝你們的關心。＃小時候上學不明白為何要學看圖作文＃長大後才發覺原來真的能夠學以致用#enoughisenough」
蔡思貝在新劇中同黃宗澤有感情線。（梁碧玲攝）
今日（13/10）蔡思貝出席邵氏新劇《廉政狙擊·黑幕》煞科宴時，就社交平台發文解釋原因：「其實都咁多次，而我一次又一次咁同傳媒去回應，但最後傳媒都寫返同一樣嘢出嚟，彷彿我好似冇回應過咁。咁嗰一刻我就覺得要好認真咁喺社交平台度表達一次，咁所以大家係可以睇返我嘅回應嘅。咁所以我寫一寫，係畀大家清晰知道。」