我是鏡粉會長|爵谷爭議多到要Edan出聲 Admin:好似做乜都錯
「以前整PVC牌都會諗20個會唔會太多;而家係個個都想要,唔知要預幾多但都開心,感覺好似係見證住一個小薯爆紅,好老懷安慰。」隨著《E先生連環不幸事件》、劇集《大叔的愛》,令Edan的人氣有增無減,TG群組有逾兩萬多名「爵屎」,人多是非多,身為admin之一的May的處事能力不時受到質疑,連她一度自覺「做乜都錯」。
May在《全民造星》時與朋友創立了呂爵安FANS CLUB,原因很簡單:「明明佢真係好努力做每一件事,但機會總喺不在他身上,所以好想幫佢。」3年多時間,FANS CLUB做過不同的應援、也為Edan舉辦過生日會,但奇怪的是至今並沒有收取過會費,連統一的會服也沒有,May解釋:「一直都想將FC變得更實體,有諗緊收費之後要畀咩福利大家,但亦都要考慮如果冇入會嘅點算?」 其實人手不足才是FC面對最大的問題,早前賣應援物資,過千張訂單令4位admin包貨包到冇停手。「有fans覺得我哋交收好慢,但搵人幫手都需要時間,每次有問題出現我哋都好盡力去改,但大家可能都只係想要成果,又或者唔知我哋喺背後真係做緊嘢,於是就會一直好多聲音。」
May本身成立的呂爵安FANS CLUB,在近來的應援均與BertLui_fanspage一起進行,她說:「其實我哋4位admin成日都會嗌交,但因為大家都已經知道對方嘅處事方式係點、明白都係為件事好,所以嗌完就算,唔會真係mark落小器簿。」而對於有其他「爵屎」開page、做大形應援等舉動,May就大方表示:「百花齊放係好事,因為大家都係想Edan多啲人認識。不過有時係佢哋做廣告應援時,要問公司,而公司會叫我哋呢邊跟進,變相多咗嘢處理,亦有試過大家想做同一應援,咁就要協調。」
7月下旬,MIRROR全員出席在屯門市廣場的活動,鏡粉為霸靚位將應援手牌貼在台邊附近,May亦是其中一份子,雖然手牌很快遭商場保安清理,但「霸位」手法在TG群組引起極大的爭議,最後要由Edan發文呼籲大家要理性討論並體諒admin。「佢突然發千字文我都幾吃驚,因為冇諗過。有人話我哋我私下向Edan賣慘再逼佢出聲,但其實冇,因為本身真係唔覺太大問題,同埋一見到討論區有人話已經收起晒啲手牌,覺得已經完咗件事,所以當Edan突然發文係幾驚訝,佢出聲唔單只係屯門事件,仲有好多之前積壓嘅嘢,我當時喺街差見啲喊出嚟。」
May表示自從成為「爵屎」,每次MIRROR或Edan有活動,由於大家都要返工,所以向來用手牌「霸位」,並且相安無事。至於「屯門事件」,她認為是新「爵屎」或許不太理解「霸位」方法才會引起爭議。儘管Edan曾發文叫大家理性地溝通,但幾位Admin近月依然屢受批評,難怪May感到心灰意冷,並指自己「好似做乜都錯」。為怕佔用Edan寶貴的時間,所以每次May每次都只會向對方「報告」成果,兩者之間的溝通十分清脆利落。「之前Edan為動畫配音,FC包咗8場,直到佢出嚟謝票我先醒起冇同佢講過,哈哈!不過嗰次都開心,因為係電影公司安排佢嚟謝票,我事前完全唔知。」