十月初五的月光丨羅天宇呻拍得好辛苦:底褲都濕晒

撰文:賴家杰
出版:更新:

TVB台慶劇《十月初五的月光》今天(22日)首播,一眾演員聚首一堂觀看首集,劇中男女主角胡鴻鈞、何依婷和羅天宇也有現身出席。天宇和依婷接受《香港01》訪問時,依婷率先表示好期待:「付出咗好多努力,終於都出街啦。」在旁的天宇就覺得是一件很突然的事:「原本係下年先播出街,點知突然擺台慶劇,所以好唔真實。」

三位男女主角因拍劇成好朋友。(梁碧玲攝)

劇中三人都有感情關係,兩男爭一女,但在戲外何依婷卻是兩男之中多出來的那一位,天宇笑言:「主要係胡鴻鈞,佢喺劇組入面嘅開心果,佢有好多身體接觸對我。我好內向,佢就比較主動,有佢係到幫我好多。身體接觸就好多碰撞同攬住我。」

依婷成日喺拍劇期間都見羅天宇同胡鴻鈞攬埋一齊,表示頂唔順佢哋。(梁碧玲攝)

劇集由冬天拍到夏天,開始拍攝時候,劇中造形是冬天衣服,到了夏天,天宇形容是能去水腫:「純粹我哋咁嘅冬天衣著,30度天氣,所以就全身濕晒,衫褲鞋物同底褲都濕晒,所以依家我架車都會有啲替換下。」

依婷拍劇時候曾有一次拍到中暑。(梁碧玲攝)
你可能感興趣