今日（26/11）無綫（TVB）電視城舉辦「長期服務暨傑出員工榮譽大獎頒獎典禮2021」，其一由《都市閒情》、《流行都市》的主持人劉彩玉亦獲頒「30年服務」獎項。

劉彩玉接受《香港01》訪問時說：「喺咁大型公司工作咗咁多，好開心，因為可以做到自己鍾意做嘅職業。」她回想起最初入行時的情況，真是百般滋味在心頭，她說：「我記得嗰時喺廣播道開始已經開工，嗰時做緊《都市閒情》個通告係07，嗰時後生又未考到車牌，要5點起身，每日就要拎住一大個化妝箱由港島搭車過去返公司，個感覺雖然係好早起身，但係返到公司好似個大家庭，好開心好充實。」

有什麼深刻事可以分享？她說最深刻的事是當年需要採訪嘉利大廈大火。她說：「作為演員基本唔能夠做到新聞採訪個角色，去到一落車，直頭係大煙同埋個感覺係好（震撼），冇諗過會遇到呢啲情境，但係做《城市追擊》就係要做呢樣嘢，又會見到消防員行出行入，抬住啲傷者，之後嗰幾日都要去現場採訪。呢個就係最深刻嘅事。」