青春本我|姚焯菲唱MC《記憶棉》有驚喜 有聽Edan:要跟佢哋學習

撰文:李婉文
出版:更新:

無綫新劇《青春本我》於周日(5日)晚首播,一眾演員炎明熹、姚焯菲、詹天文、文凱婷等都有出席活動齊齊看首播,姚焯菲(Chantel)接受《香港01》訪問時表示心情緊張又興奮,「我驚睇到自己其實會有啲尷尬,希望觀眾睇得開心,同埋我哋都好興奮。」

Chantel出席首播活動,跟《青春本我》一班演員睇劇和開直播。(梁碧玲攝)

一班「小菲象」(Chantel的粉絲名)為支持偶像,特意準備了一架應援車為她應援,車上除了有Chantel的照片外,亦有一部電視,令他們可以在電視城外同步看首播,非常有心。Chantel表示之前知道有這件事,但並不知道是今天,而昨天粉絲們亦有準備應援車支持她。Chantel說:「我覺得fans真係好錫我哋,真係好錫!同埋所有嘢都落咗好多苦功!」

「小菲象」為Chantel準備了應援車。(梁碧玲攝)

近來Chantel與炎明熹(Gigi)、鍾柔美(Yumi)和詹天文(Windy)組成新女團After Class,外界形容為對撼ViuTV節目《全民造星IV》即將會誕生的女團。被問到會否怕有比較,Chantel表示:「我覺得每個女團都有佢哋自己嘅特色,唔會比較,因為我知道Marf(《全民造星IV》熱門參賽者之一邱彥筒),佢係好有型,但可能我哋有唔同風格。」

Chantel感激粉絲對他們一班演員的支持。(梁碧玲攝)

Chantel早前唱了同為今年新人張天賦(MC)的歌曲《記憶棉》,粉絲大讚好聽!Chantel指自己好喜歡聽MC的歌,「同埋嗰日係因為上唱歌堂,老師就話練完歌,又有啲時間,佢話『你咪鍾意聽《記憶棉》嘅,不如就唱呢首啦』。」被問到Chantel有沒有聽今年另一個新人——組合MIRROR的呂爵安(Edan)的歌曲,Chantel笑指也有聽,「要跟佢哋學習!」

同場加映:14歲譚芷昀大個女推出繪本 網民大讚似kayan9896和黃心穎混合版

點擊觀看更多圖片:

+36