青春本我|炎明熹處女劇擔正 演技大爆發喊到聲沙眼腫

撰文:林迅景
出版:更新:

無綫(TVB)劇集《青春本我》將於星期日(19)播出第三集,這套集合一眾《聲夢傳奇》學員及《盛‧舞者》參賽者可說是年尾最受觀眾少Fans期待的劇集。《青春本我》演員包括炎明熹(Gigi)、姚焯菲(Chantel)、鍾柔美、詹天文、文凱婷、潘靜文、林君蓮、蔡愷穎、林沚羿、張馳豪、冼靖峰、何晉樂、林智樂、孫漢霖、黃奕斌、JW王灝兒、吳業坤、朱敏瀚、吳若希、姜皓文、王祖藍、鄧梓峰等,可說是陣容鼎盛。

炎明熹(Gigi)又真係幾好戲。(《青春本我》截圖)

第三集劇情重點落在Gigi身上,由於父母婚姻出現問題,Gigi不但失眠兼冇胃口,更一直鬱鬱寡歡,唯一的傾訴對象只有愛貓「春卷」。某天,Gigi因為珍而重之的耳機被同學弄壞,Gigi終按捺不住負面情緒終極爆Seed,最終Miss Wong(JW飾)介入事件。昨晚無綫播出新一集《青春本我》預告片,平時說話陰聲細氣的Gigi,片中放大喉嚨兼雙眼通紅地鬧爆同學:「唔好激動?你唔叫佢哋唔好激動?依家係佢哋有問題,點解你叫我唔好激動呀?」、「你一句Sorry就可以整爛人哋最寶貴嘅嘢?」

正動好sweet。(《青春本我》劇照)

雖然Gigi是演戲新丁,但仍能感受到其百分百的投入,Gigi亦坦言相關場口挑戰性很大:「因為我平時好少發脾氣。」對於Gigi難得發火,眾「聲夢」學員也大表震驚,紛紛表示嚇親:「因為平時真係冇見過佢咁樣,嗰一幕我哋都唔敢同Gigi對望。」Gigi又感激劇中父母姜皓文及陳煒對其貼心照顧:「佢哋真係好照顧我,如果我犯錯佢哋唔會即刻話我,但會諗辦法慢慢引導番我。」

+14
你可能感興趣