郭晉安憶初出道時受曾江前輩啟蒙 早年九龍城偶遇:請咗我食早餐

撰文:林迅景
出版:更新:

兩屆「視帝」郭晉安參與無綫重頭劇《回歸》飾演男主角區耀祖,早前因為疫情關係,劇組需要停機休息,不過近日已重啟而拍得如火如荼。日前(28/04)郭晉安他們於數碼港拍攝一場重要戲份。郭晉安接受《香港01》訪問時,就自言角色對他相當有挑戰性,全因他飾演一名外剛內柔的「廚房佬」。他說:「我喺劇入面有兩個仔,周嘉洛同吳偉豪,個感覺好得意,好似睇返入行時候嘅自己咁。」

郭晉安於《回歸》飾演男主角區耀祖。(葉志明攝)

郭晉安續說:「佢係一個廚房佬,好堅持(親手)煮每一道菜式,而陳煒就係一個將我哋小菜館發展成為機械人煮餸嘅小菜館。」關於飾演「廚房佬」的難度,他分享道,有一晚他需要在廚房煮餸拋鑊,雖然他事先在家訓練了一段時間,但臨場演出卻發現難度比想像中大得多,說:「開頭都係威係勢,隻鑊都四斤重,用左手拋鑊。我喺屋企都練過以為我得,但係當拋多幾拋,因為隻鑊仲有餸喺入面,就發現自己拋唔到,連隻鑊都拎唔起,最後我只可以用一個幾簡單嘅技巧拋吓。」

郭晉安表示「區耀祖」這個角色的喊戲特別多。(葉志明攝)

談到劇中的演出,郭晉安表示「區耀祖」這個角色的喊戲特別多,後期演出部份幾乎都需要狂喊。他說:「總言日日我對眼都紅住咁去拍,我仲要喺屋企練。每次諗呢個人物點樣去演嘅時候,練完一次又一次,嗰日返工前,對眼已經紅晒,返工要滴眼藥水,但係返到屋企又要練,跟住監製已經問點樣對眼紅晒,我話冇辦法啦,喊戲多到咁樣。」他分享道,自己練喊戲必需要代入角色,找到最傷心的一幕自然就喊得出,並不需要刻意回憶令自己傷心的事情。

郭晉安與曾江出演過《誓不低頭》。(網上圖片)

曾江前輩於2022年4月27日逝世,郭晉安對此表示十分惋惜,說:「我成名作叫《誓不低頭》(1988年首播),Ken哥(曾江)喺入面係做反派嘅,嗰時佢已經有好多嘢提醒我。之後我去咗港台拍一套劇,裡面都係講佢做我師傅,教我好多嘢。嗰一集好特別,我哋要玩好多球類,例如藍球、草地滾球,Golf、網球,都要玩,但係我覺得點解Ken哥咩都識嘅。我覺得好神奇!跟住佢提醒我一樣嘢:『我哋做藝人咩都要學,咩都要識,但係唔使叻,因為我哋拍出嚟最緊要似,有人信。』自從嗰次之後,我成個人就改變咗,咩都去學,個好奇心就走咗出嚟,總之有咩幫助到演出,我就想去知,想去學,啟發咗我!」他也說,自從仍他離開TVB後就很少見面了,不過郭晉安早幾年曾經在九龍城碰見曾江前輩,說:「佢仲認到我,仲請咗我食早餐添。」

+5
你可能感興趣