林寶玉摺過百「幸運星」送心儀對象慘食檸檬：摺到十隻手指頭腫晒
撰文：吳子生
出版：更新：
前亞姐林寶玉（Connie)今日（2/8）現身九龍城出席「香港天登節2022」暨挑戰「最大規模的紙鶴展示」健力士世界紀錄新聞發佈會。Connie表示：「今次摺嘅紙鶴數量好驚人，係超過2百30萬隻，而我都有份參與其中，我知道有一三人家庭，佢哋合力摺咗超過20萬隻，真係好佩服佢哋嘅毅力。不過講起摺紙，我就好記得讀小學嘅時候，試過摺咗過百幾粒嘅幸運星，放喺個玻璃樽度，然後再送俾心儀嘅男同學，其實我係想向佢表達愛意。不過嗰男仔收咗之後就冇表示，搞到我浪費晒心機，仲搞到十隻手指頭都腫晒。」
林寶玉即場摺紙鶴。（吳子生攝）