65歲張國強「斷背」60歲歐瑞偉 直認啱嘴型：我第一次同咁大年齡
撰文：林迅景
出版：更新：
承接《美麗戰場》9點半黃金時段，星期一起TVB就會播出新劇《超能使者》，故事以異能英雄為主題，講述五位社會低下層人物成為街頭英雄拯救街坊的故事。今日（29/10）《超能使者》一班演員出席宣傳活動，於台上大玩遊戲，其中歐瑞偉和張國強「情到濃時」更上演了一段「斷背」戲，激情擁吻起來，睇到大家目定口獃。
65歲張國強「斷背山」60歲歐瑞偉。（葉志明攝）
歐瑞偉和張國強接受《香港01》訪問時，張國強：「我同瑞偉拍咗咁多年，好得意嘅，有個不成文規定成日都勢不兩立咁，好似唔啱嘴型咁。今日監製就好得意，想睇我哋唔啱嘴型係點樣。」歐瑞偉續說：「大家睇吓啱唔啱嘴型。」
65歲張國強「斷背山」60歲歐瑞偉，滾咗幾個圈。（葉志明攝）
試完之後覺得點？張國強回答：「好啱嘴型！瑞偉真係好有經驗，滾床單咁幾個級數，由上到中間再滾落地下！」歐瑞偉：「我都估唔到，其實我哋差啲想滾埋落台下面！」他們均表示，雖然試過不少次與男人接吻的戲份。歐瑞偉：「咁激烈我都係第一次。」張國強更說：「同咁大年齡嘅我係第一次！」
畀返個劉佩玥、伍樂怡大家平衡一下。（葉志明攝）