一舞傾城｜微博話題突破4億閱讀量 陳星妤吊威吔晒無敵美腿
撰文：洪曉璇
出版：更新：
《一舞傾城》今晚（5日）劇情講到KK（陳星妤飾）收了Marco（關楚耀飾）給的500萬分手費後，花了200萬投資俊駒（高鈞賢飾）拍電影兼自己做女主角，並成功憑處女作一炮而紅。
陳星妤嘅喊樣楚楚可憐。
星妤獲網友讚靚女：係初戀呀！
今晚一集將有陳星妤吊威吔拍戲畫面，樣子甜美的星妤吊着威吔飛來飛去，其中一個鏡頭星妤從高空降落，在上升氣流影響下，星妤晒出無敵美腿，十足仙女下凡。TVB官方平台日前發出星妤吊威吔預告片，獲網友大讚：「好有明星氣質」、「KK女神，最靚女」、「樣子甜美楚楚可憐想保護她，係初戀呀。」
陳星妤吊威吔飛嚟飛去，原來參選港姐時已經試過。
講到吊威吔，星妤受訪時透露今次並非第一次：「之前選港姐時都吊過一次，吊威吔都幾驚㗎，但又要顧住個樣，因為要做到好Enjoy咁。」問到對拍古裝有否興趣？星妤笑言：「我好有興趣呀，自己都好期待將來可以參演古裝片。」
陳星妤吊威吔飛嚟飛去，滲出陣陣仙氣之餘，仲晒埋無敵長腿。
趙碩之「媽媽係兔仔」惹網友同情
此外，《一舞》自播出以來深受內地網友歡迎，在微博關於「一舞傾城」的話題突破4億閱讀量。其中「#一舞傾城句句誅心#」的話題，內容是趙碩之飾演的要獨力湊大仔仔的單親媽媽媚媚，眼見仔仔因自己的舞小姐身份慘受同學欺凌，遂以「媽咪唔係雞，媽媽係兔仔」氹番仔仔，這場戲令網友深受感動，成功勁吸逾7,700萬閱讀量。
趙碩之呢一幕「媽媽係兔仔」引起網友熱烈討論。
《一舞傾城》熱爆內地，關於「一舞傾城」嘅話題勁吸逾4億閱讀量。