張致恒蛀牙IG搲牙醫贊助　網民轟厚面皮提多項建議：叫許廷鏗義診

張致恒（Steven）與雯雯兩公婆除了出名生得，亦出名冇錢，半個月前雯雯就在IG嗌救命求助，寫下：「能夠最快賺到錢嘅工作，歡迎搵我！」、「急需賺快錢，救命！」其實隨住Steven形象轉好，近日開始有廣告接，不過看來養四個小朋友開支的確太大，Steven原來連睇牙醫都冇錢，要上網求贊助！

近日與雯雯轉戰做YouTuber的Steven，在IG限時動態上出Post，他說：「咁大個仔第一次蛀牙，睇牙好貴有冇贊助？」網民直指他「搲」贊助好厚面皮、問：「補牙錢都要乞？」不過亦有各式各樣的建議，例如叫他快手生多個，攞2萬蚊津貼去睇牙、上深圳找朱咪咪曾代言的牙醫睇牙，更有人叫他私訊許廷鏗看看他肯不肯義診。