萬千星輝2023｜古佩玲力爭「最具潛質新人」獎：連衫都未準備
撰文：吳子生
出版：更新：
古佩玲（Kelly)今日（22/12）現身將軍澳電視城出席無綫處境喜劇《愛·回家之開心速遞》之「開心冬至迎聖誕派對」活動。提到她成功入圍《萬千星輝頒獎典禮2023》「最具潛質新人」獎，有望在眾入圍者中脫穎而出。
對於獎項，古佩玲表示會以平常心去面對。（梁碧玲攝）
Kelly接受《香港01》訪問時表示：「其實我19年入行，都仲算係新人，仲係BB嚟。不過有得提名當贏咗。（有冇諗過會有獎攞？）我係冇諗過，因為我連衫都未準備，因為我唔知佢會唔會再公布最後十強，我諗住等多幾日先再決定搵唔搵定當晚套衫，怕造咗又唔著。（覺得今年自己有冇資格攞呢個獎？）覺得自己每一年都有好大進步，因為每次睇返自己嘅演出，都睇到自己每年都在成長中，加上今次入圍嘅佢哋都有好大進步，變咗今次競爭都好大。」
古佩玲今日出席《愛回家》宣傳活動。（梁碧玲攝）
+1