叱咤2023｜張敬軒奪「最喜愛男歌手」未敢放鬆：眼見好多嘢唔係真
撰文：吳子生
出版：更新：
張敬軒（軒公）今日（4/1）現身金鐘出席普名品牌活動。軒公苦等十年再度奪得《叱咤樂壇頒獎典禮2023》「最喜愛男歌手」獎，他透露將會設街站謝票，多謝有份投票他的選民：「新嘅一年對我嚟講係開咗一個好好嘅頭，但一如我喺台度咁講，都係新嘅開始，如果你問我，嗰晚返到屋企望住個獎杯，我都唔覺得有一種好踏實嘅感覺，我諗我由細到大出道咁多年，我都係活喺危機感當中，所以到2024年我係要做到呢個杯係實至名歸。（你唔敢放鬆？）因為你問我，其實我又好，我盡量畀自己喺呢個行業要保持最清醒嘅狀態，因為我哋眼見好多嘢唔係真嘅，就算我今次攞咁多嘅票數，或者我最後攞到呢個杯，的確係有其他嘅歌手嘅歌迷，當佢哋嘅歌手冇入選五強之後，變咗會有啲游離票畀咗我，咁變咗我最大程度要做到我最喜愛。」
張敬軒今日出席品牌活動。（吳子生攝）
同場有Tyson Yoshi。（吳子生攝）