陳懿德爆視帝為派利市忘形入鏡不自知 更自責派漏隔兩日追住再派
撰文：鄧穎琪
出版：更新：
農曆新年，藝人無論結婚未都要派利市，像TVB「東張女神」陳懿德（德德），早前接受《香港01》專訪時，就表示今年自己都首次派利市，特製「德」字利市封，印上感謝說話，將心意送給今年幫過自己的每一位。
陳懿德今年首次派利市，又在訪問中分享了一件有關派利市的難忘事。（資料圖片/陳順禎攝）
陳懿德入行後都收到好多利市。（資料圖片/陳順禎攝）
而她亦分享了自己入行後遇到有關派利市的趣事，原來有位視帝對派利市超著緊，更試過因為派漏利市唔安樂，這位就是三屆視帝郭晉安（安仔）！德德說自己前年新年返TVB做採訪，訪問中途郭晉安突然亂入鏡頭，原來就為了派利市，她說：「安仔唔小心經過個鏡頭，佢唔係特登，係因為佢太忘形，掛住畀利市人，真係好有Passion！」
視帝郭晉安對派利市原來好有熱誠好著緊！（資料圖片/葉志明攝）
郭晉安真係好鍾意派利市，之前出席劇集宣傳都有派。（資料圖片/梁碧玲攝）
不過原來故事未完，過幾日再延續下半部分，德德續道：「佢有派到畀我，但係佢冇派畀容容（容羨媛），隔咗幾日再見到，佢過嚟同我哋講：『容容呀，呢一封利市係畀你㗎，上次冇畀到你，我個心好唔安樂。」德德超驚訝，郭晉安派這麼多利市，但竟然會認真記住哪位有派、哪位未派，覺得他非常好，亦會以這位前輩為學習對象，她又說：「我唔係靠我自己，係靠大家先有今日，所以都好希望封小小心意多謝大家。」
陳懿德與容羨媛都收過郭晉安利市。（Instagram：fiyung）
容羨媛過往都訪問過郭晉安、歐倩怡，可能因此令他自責派漏利市畀對方。（電視截圖）
甚少更新IG的郭晉安，日前都有在IG貼相，見他已準備好多封利市，相信又出動四圍派畀人！（Instagram：onjai109）