【夏天行山路線】大潭水塘靚景又有古蹟打卡 輕鬆易行啱一家大細

撰文:
最後更新日期:

收到網友查詢,正值暑假,好想帶小朋友去親親大自然,不想放假只留在屋企打機或玩手機。所以今次介紹一條簡單又安全的行山路線,適合一家大細享受郊遊樂趣。

大潭篤水塘石橋(小牛牛授權使用)

路線:黃泥涌水塘>大潭郊遊徑>紫羅蘭山>衞奕信徑1段>大潭中水塘>大潭中水塘水壩>大潭篤水塘石橋>大潭水塘道>大潭副水塘>大潭上水塘石砌輸水道>大潭家樂徑>黃泥涌水塘

全程約8公里,需時5小時。

由香港站坐66號巴士,去到黃泥涌水塘公園站落車(記得落車時拍多一次八達通),有分段收費回饋。之後行上斜路就見到黃泥涌水塘,沿水塘旁邊一直走,轉個彎再上石級就進入大潭郊遊徑。

先上一大段石板路,上到一半風景已經好開揚,可以望到壽巨山、南朗山、深水灣一帶,再繼續沿山徑上,好快就到達紫羅蘭山頂,這裏超大風,景觀超開揚,可以360度飽覽港島景色,在標高柱打過卡後,改為行衞奕信徑第1段。

01體育行山專頁:靚景推介 裝備介紹 人物訪談

按圖看清沿途風景、設施▼

+2

落山途中見到好多野菌,外形十分有趣,顏色艷麗。當日温度高達32度,每行一段路就要停低飲飲水,休息一陣繼續落山。大部分都是梯級路,行、行、行……好快就到達大潭中水塘,沿水塘邊路徑走,經過第一條石橋,在石澗中發現狗爪石,整塊石有十幾尺長,狗爪分明,真是好像一隻巨型狗爪一樣,打卡後繼續前走。

去到大潭中水塘水壩,可以沿小引水道落去壩底,下面有一大片儲水池,水面有大水泡湧上,好似有水怪準備浮上水面一樣。驚完之後沿小路上返大路,到達大潭篤水塘石橋,這裏是打卡熱點,旁邊還有一個燒烤埸,適合一家大細燒烤郊遊。

按圖看清沿途風景、設施▼

+7
+6
+5

更多港島靚景打卡行山路線:

【香港仔】黃竹坑站登南朗山 望海洋公園觀布廠灣日落

【灣仔】荷蘭徑易行親子遊 起步前必訪藍屋舊郵政局

【赤柱】連走紫羅蘭山孖崗山 賞吊鐘花睇盡赤柱半島靚景

【金鐘】纜車徑寶雲道易行兼靚景 與太平山登山纜車同行

繼續沿大潭水塘道緩緩直上。到達另一水塘──大潭副水塘,水壩左邊就是雙潭石澗,右面是副水塘。這個水塘光位正恰到好處,每次經過這裏都可以拍到靚靚倒影,水塘有多條魚暢泳,當中有好多錦鯉,為水塘添上一點點色彩。

繼續上路行到大潭上水塘石砌輸水道(Tai Tam Upper Reservoir Masonry Aqueduct 1883-1888),其實是一條有百多年歴史的石橋,行山之餘可以探研歷史故事。行完石橋後,嘩!突然落超大雨又行雷閃電,好彩有帶備雨衣。

備註:閃電記得不要舉起雨傘,避免觸電喔!再沿大潭家樂徑返回起步點黃泥涌水塘。完成旅程,大約需時5小時。

按圖看清沿途風景、設施▼

+2

行山沿途還發現了一些擁有獨特外觀的植物、果實

注意事項:

~沿途没有補給,帶備足夠水

~天氣驟晴驟雨,帶備雨衣,遇上雷暴迅速落山

~愛護郊野清潔人人有責,自己垃圾自己帶走

【本文獲「小牛牛快樂行山郊遊相集by Chan Keung」授權轉載。】



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。