KOL話銀行拒摸貨按揭、炒家冇得炒 但唔知最大鑊是勉強買樓的人
撰文:湯文亮
出版:更新:
有KOL話,滙豐同其他銀行唔做摸貨按揭,炒家冇得炒,連蝕讓都唔得,今次大鑊鳥,不過KOL根本唔知道大鑊的不是炒家,而是勉強買樓的人。
星期二晚,滙豐突然宣布唔做摸貨按揭,及後仲多十幾間銀行跟隨,不少一向睇淡樓市KOL立刻跳出話今次炒家大鑊鳥,如果唔可以將摸貨出售,想唔撻訂都唔得。
KOL唔係幾了解樓市,更加唔了解在樓市生存的炒家,銀行話唔做摸貨按揭根本是小題大做,而事實上根本冇人摸,又點會有摸貨生意可以做,原因是銀行幾十年前已經唔做炒家生意。當時並不是受到什麼法例所限,而是銀行家明知那人是炒樓,雖然申請按揭,亦只不過防範在成交前未能將所買的單位摸走,銀行辛辛苦苦批了按揭,到成交時那人話已經將物業摸走,銀行豈不是白做,試過一兩單,銀行根本唔接炒家生意,除非炒家願意最少做一年按揭,兼提早還款時會罰息,銀行才會考慮做炒家按揭。
即使銀行願意做炒家按揭,炒家都會考慮成本太重唔做按揭,寧願用full paid買樓,在成交之後才賣,不但可以賣到較高價格,而且物業是不會定位為摸貨,銀行是不會拒絕做按揭。相信今日如果有人攞一個物業去滙豐做按揭,而物業又沒有按揭,滙豐唔會將物業定位為摸貨,按揭可以正常進行,所以,滙豐唔做摸貨按揭對炒家沒有影響。
不過,對一些做錯決定的人可能會有影響,不少人在買入一個物業之後才發覺是超出個人能力所限,以往有SSD,就必定要放棄,損失所有訂金,現在取消SSD,即是將逃生門打開,但滙豐等銀行唔做按揭,即使有買家願意接手亦無能為力,做錯決定的人仍然要損失所有訂金,或者,將物業轉售給一些可以full paid的買家,滙豐唔做摸貨按揭原意是打擊炒家,最後竟然益了炒家。所以話,即使係銀行家,都唔係太了解樓市。
【財經專欄】湯文亮|紀惠集團行政總裁
免責聲明︰以上內容僅代表作者的個人立場和觀點,不代表香港01的任何立場,香港01亦無法核實上述內容的真實性、準確性和原創性。
另外,以上純屬個人研究分享,並不代表任何第三方機構立場,亦非任何投資建議或勸誘。讀者務請運用個人獨立思考能力自行作出投資決定。
KOL話撤SSD增加供應、推低樓價 但唔知會令摸貨重現、樓市飆升KOL話財預案撤辣聲音大 保守派人雖少、政治力量大未知鹿死誰手KOL話新年藍籌屋苑零成交樓市已死 但唔知撤辣前冇人咁蠢早買樓KOL話美斯唔落場玩謝香港、失國際金融地位 但唔知冇人撐美斯KOL話大C退休前講買樓風險大 樓市冇運行 但唔知以後租樓都很難KOL話樓價下跌、好彩賣咗樓 但唔知賣自住樓、隨時唔見埋個仔KOL話財爺要開徵資產增值稅 香港大鑊! 但唔知財爺很快已澄清KOL話比特幣ETF可在美國上市將大升 但唔知上市被監管是惡夢開始KOL話的士行業有加價共識、市民捱貴車 KOL或不知已共識冚旗揀客KOL話聖誕港人離港旅遊、香港大鑊 但忘了耶穌話施比受更為有福KOL話股市跌一半、樓市跌兩成應再大跌 冇講美基金出貨冇揸港樓虛幣KOL質疑我比特幣出金做假 但KOL唔知愈流通、貨幣愈值錢KOL話你知全世界股市升、唯獨香港跌 但冇講港經濟優於很多地方移居英國諾丁漢KOL大讚生活環境遠勝香港 但冇講諾丁漢已經破產KOL話99%香港人不會回流、樓市一定大冧 但冇講有一半搵唔到工KOL話你知香港樓市大冧、很多人蝕錢賣樓 但冇講「蝕即是賺」