九龍某酒店傳有朋友仔 住客投訴夜傳陰森女聲 其中一間房特別猛！
撰文：奶蓋弟弟
出版：更新：
【酒店Staycation】疫情期間全港酒店大搞Staycation，熱潮最旺時好多酒店都賣爆房，導致要被逼租出某些「問題房間」。九龍某酒店有員工爆料指出酒店內有「朋友仔」，更爆料某間房間尤其猛，不少投訴指夜間會傳出陰森女聲，更有住客嚇到半夜悲鳴！
九龍某酒店傳有朋友仔 住客投訴夜傳陰森女聲 其中一間房特別猛！
香港不時會有猛鬼酒店的傳聞 ，而今次有網民向巴打絲打靈異台投稿，表示自己於九龍某酒店任職，作為酒店前台工作人員，在酒店Staycation熱潮期間曾遇到靈異事。該時期曾多次接獲入住同一房間、不同批次的住客投訴，指夜間聽到陰森女聲，更有部份住客嚇到半夜悲鳴，相當聳人聽聞。
（圖片來源：Unsplash@giancescon）
該網民表示，他所任職的酒店有一個不明文規定，「如果客流量唔高，我哋通常唔會安排尾房俾人住，但係新嚟嘅同事似乎唔係幾知呢件事，成日都安排尾房出去。
（圖片來源：Unsplash@runnyrem）
一開始還好，偶爾會收到啲投訴話唔想住尾房，後嚟尾房入住率高咗之後，打嚟前台投訴換房嘅客都多咗。」他指，他接獲大概五六次投訴，均是入住三樓尾房的住客，奇怪在所有投訴內容驚人一致，均是投訴在房間內聽到兩個女人的對話聲音，場面詭異：「仲有兩個後生妹妹嚇到喊。」
（圖片來源：《內衣少女時代》劇照）
投稿網民續指：「佢哋話聽到啲聲係從電視機旁邊傳嚟，於是我哋搵過師傅去睇係唔係電視機嘅問題，Check完冇事之後繼續開放呢間房，但係都有收到投訴話聽到有兩個女人講嘢。」試過一切辦法都無法解決靈異事件，他向經理匯報狀況後，據他所知已暫停再安排任何住客入住這間客房。
（圖片來源：Unsplash@ciabattespugnose）
究竟這間九龍區酒店是哪一間酒店呢？據知，九龍區酒店雖然多，但要論有推出Staycation住宿優惠、入住會爆滿的酒店，相信大家心中已經有個名單。大家認為是九龍區哪一間酒店呢？