在公共交通工具上，不時都會出現「爭位坐」的情況。最近1名男子就在社交平台發文，指早前乘搭港鐵時，「已經彎咗半邊身想坐之際」，忽然被1名男子「從後攝入」佔座，他無奈之下便轉坐對面的座位，不料他後來再看到對方疑似在舉機拍攝，便起身上前，「條友即刻心虛閃身走人」。樓主提醒其他網民小心，認為該名男子不懷好意。

樓主日前在facebook群組發文，表示他當天乘搭港鐵時，甫進入車廂便看到空位，於是已彎身準備坐下，此時另一男乘客卻突然從後衝上前「攝入」，由於當時對面還有其他空位，他便轉為坐在對面座位。然而，樓主後來發現對方不但「眼睥睥」，而且舉起手機疑似正在拍攝樓主，他便起身並走到男子的面前，而對方則立即「閃身走人」。

樓主更指「從眼神見佢（男子）好閃縮，認為對方不懷好意，直言「認住呢條友，大圍站出現」。他後來留言補充，稱本來無意與該名男子爭搶位置，自己後來也走到對面坐，但「問題係條友眼睥睥仲要舉起手機向住我，擺明挑機，佢咁鍾意影我未行佢面前畀佢影囉」，只是對方見狀後忽然「心虛」離開。

帖文一出，有網民留言稱自己過去亦曾遇到相中的男子，並分享類似經歷，「我上次都遇過，我咩都冇做，佢拎起部電話係咁影我，之後我行埋去問佢，我做咗啲咩得罪你？定係我太靚仔你忍唔住要係咁影我？跟住佢勁驚推開我，跑咗落車」；有人則批評男子的舉動不尊重他人，「過去X佢先有用」、「俾我就一定XX佢，做乜攝過嚟」。

然而，也有部份網民反斥樓主因小事就在網上公審，「講真，咁小事，仲要唔遮其他無辜嘅人樣」、「你又好人好多咩，男人老狗小小事上網圍爐取暖」。