拒絕讓座慘被狂罵之餘，還遭「非禮」？有港女於網上發文公審1對老夫妻，她乘搭港鐵時被該對老夫妻要求讓座，她拒絕遭對方狂罵，指摘「冇教養」，其後有人下車，婆婆終於可以坐下，婆婆竟趁機用雙手觸摸她的手，她氣得於帖文爆粗怒罵，直言「我最X憎俾啲陌生人喺度摸」。

該港女於Threads發文怒罵：「呢對阿伯阿婆，由我唔讓座開始已經喺度講講講講講，話我冇教養，勁XX煩。講完都算啦，我隔籬有人落車我褪返個位畀個阿婆坐佢老公隔籬，佢仲要摸我，黐X線，我最X憎俾啲陌生人喺度摸。」她拍攝了1張照片，顯示當時該對老夫妻已成功一起坐下。

搭港鐵拒讓座遭狂罵　婆婆更趁機摸手

有網民留言指出，「唔係話幫對阿伯阿婆，大把人恃老賣老。但而家喺Threads公審人真係1張圖1段字就搞掂，真係無仇報。不如你講清楚係阿伯定阿婆摸你，無啦啦摸你定調位嘅時候掂到你呢？」樓主回覆說，「我無緣無故屈佢做乜？對我有咩好處？佢就係掉位嗰陣專登摸住我隻手，係兩隻手一齊摸，好X核突」。

網民斥：狼到咸豬手

其他網民就批評該對老夫妻，「2蚊坐車，仲要正價讓座」、「活到呢把年紀都仲唔明讓係人情唔讓係道理」、「呢啲case真係每日都發生，又係專恰女仔讓座，今次狼到咸豬手」。