香港十大奇景？有男網民在網上發影片，指在元朗街頭見有名女子，用頭頂住一個大型包裹，步履輕鬆地行走街上，更尾隨對方，見她行樓梯也沒有跌下，讓他覺得十分有趣，「笑咗10分鐘」。影片引來不少網民留言，「有啲料到，睇嚟食過下夜粥」、「高手在民間」。

元朗頭頂包裹：好勁

有男網民在Threads上發片，拍到在元朗街頭有趣一幕。從影片可見，有女子用頭頂住一個大型包裹，但輕鬆自如地走在街上，雙手更疑似在玩電話。樓主指見她行了十分鐘，甚至上落樓梯包裹也沒有掉下來，「好勁」。

網民擔憂：包裹好污糟

不少網民也覺厲害，「先天技能」、「有啲料到，睇嚟食過下夜粥」、「山區居民來定居有什麼出奇」、「見過有人坐電單車，然後個頭上面咁樣拎住個電視」。有人擔心「包裹好污糟，次次拆完都要立即洗手，試過拆拆下塊面覺得痕，無意識咁抓咗下，轉個頭已發現塊面嗰個位起水泡，搽咗藥膏都要成個禮拜先真正好返，佢咁放上頭，真係唔怕會禿頭／鬼剃頭」。