驚見室友與蠟筆小新公仔談心 特別睡前習慣嚇親港男:件事好少女
人人也有獨特的生活小習慣,有時在他人眼中或是難以理解的怪癖。有大學生早前於討論區發文,指晚上在宿舍無意中聽到室友談天的聲音,起初還以為對方在講電話,後來才發現室友原來有特別的「睡前儀式」,會抱着心愛的蠟筆小新公仔談心一輪才睡覺,認為對方的小習慣「好特別好少女」,同時又擔心自己與對方暫未算熟稔,猶豫應否「扮唔知」。
該名大學生於Dcard討論區以「發現咗Roommate嘅另一面」為題發文,形容室友是個特別的人,生活非常有規律,猶如有自己的1套時間表。他指室友每日也準時於7時起床及11時入睡,晚上8時後便不會進食,早前他更發現對方原來有特別的睡前習慣。
樓主指平日晚上自己多數會在房內「戴住耳機打機」,有次剛好音樂停下,他聽到房內有人談話,遂好奇望向室友,發現對方已背着他躺在床上,「初頭我以為佢係同女朋友、朋友傾緊電話,都無理到」。不過後來他竟看到室友抱着1隻蠟筆小新公仔「郁嚟郁去」,更看到令他目瞪口呆的一幕。
室友與蠟筆小新談心的一幕震撼樓主,令他不禁直呼:「係咪好荒謬?但真係真人真事!」他又指已觀察室友數天,確定對方「每日臨瞓前都會同蠟筆小新傾偈」,形容該習慣「好少女,好特別」。不過由於與對方不算非常熟稔,「唔知到底應唔應該俾佢知我知呢件事好,怕佢尷尬,我又尷尬,所以當時我係邊聽扮打機」。
不少網民看過帖文也認為室友的習慣非常可愛,亦有人分享類似習慣,「我覺得只要你唔係會取笑佢嘅話,就算俾佢知你知,應該都無咩嘢」、「幾好呀,我有時都會同啲公仔講下嘢,有啲陪咗自己好耐嘅公仔真係當佢哋係朋友㗎」、「其實隻公仔買咗好耐,都算係一種陪伴,偶爾搵唔到人傾訴,公仔都係唯一嘅對象」。
更有人建議樓主可藉此與對方打開話題,「我可能會扮晒嘢問佢做乜然後同佢講笑,可能你哋會咁樣而friend咗」、「其實又唔使扮唔知嘅,睇你描述佢唔似想刻意隱瞞,藉此開話題同佢傾下偈,話唔定會同佢做到friend呢」。
有男網民曾於高登討論區撰文,表示因為最近大學考試其中一科的成績未如理想,心情非常低落。同房的男同學見狀連忙安慰,更直言「你同我好好瞓一覺」,惹來樓主一場誤會!