結婚3年冇仔生 老婆拒睇醫生爆喊吐真相 原居民丈夫想提離婚
撰文:朱利安
出版:更新:
不少夫妻期待結婚後能誕下愛情結晶,但1名網民在討論區發文,表示其原居民朋友結婚3年,但一直沒有兒子,男家不斷催促2人生子,深怕「遲啲政府冇地畀佢哋起樓」,男方遂提出兩夫妻去看醫生檢查,未料妻子聽後立即痛哭,透露自己曾經在內地墮胎2次,導致私處經常流血。丈夫意外得知另一半該段經歷後,則心思思應否提出離婚。
樓主在連登討論區以「朋友結婚3年無仔生想同老婆離婚」為題發文,稱其朋友是原居民,「生仔有丁分」,惟結婚3年至今都沒有子嗣,家人直給壓力,着2人盡快生子,擔心政府之後不再撥地予原居民建屋。男方起初以為是自己生育能力出問題,便向妻子提出一起找醫生檢查。
不過,妻子聽後反應極大,突然痛哭並拒絕看醫生,男方立即安撫,後來妻子才透露一切,表示自己過去曾兩度懷有前男友的孩子,並在內地墮胎,「搞到下面成日流血」,丈夫事後數日一直安慰她,惟同時瞞着妻子獨自找醫生檢查,結果顯示其生育能力正常。
樓主最後在帖文問道,究竟朋友應該「離婚搵過個生,一個仔一棟村屋喎」,還是「唔離,老婆冇得生已經好慘」。不少網民留言表示支持離婚,並指是女方隱瞞在先,雙方在結婚前坦誠過去,更何況是有關生兒育女的事,但也質疑男方為何會全然不知,「你朋友又會乜都唔知就結婚嘅」、「一定搵過個啦,咁樣呃人」、「隱瞞自己老公,之前落過兩次喎」。
然而,亦有部份網民認為樓主的朋友應原諒妻子,稱「人誰無過,你朋友都唔愛佢老婆,浪費完人哋青春就話離婚」,批評男方根本不是真正愛妻子,反而只是當對方是生仔工具,「真正愛一個人係會愛埋佢嘅過去,有猶疑嘅就放過個女仔啦」。
拍拖3年男友拒生仔寧養貓 28歲港女猶豫結婚:係咪應該搵過個?中產vs貧窮家庭|連登仔「窮人不應生仔」惹熱論:貧窮永無法彌補拍拖7年輕熟女想生仔 怨男友無諗結婚 呂秋遠:結咗都好快離婚男友堅持生育 患多囊卵巢症港女感委屈:佢話生唔到就要搵代孕
同場加映:男友堅持生育 患多囊卵巢症港女感委屈:佢話生唔到就要搵代孕
+15
同場加映:女生人工流產翌日 渣男友即想親熱:墮胎錢我出連摸一下都不行?