社恐!睇衫被女店員跟尾勁驚 毒男:嚇到耳仔紅晒 斥跑數好趕客

撰文:謝茜嘉
出版:更新:

內向的人購物最大的心理障礙就是要與店員對話和一直被跟着!有名自稱「毒X」的連登仔發文表示,不滿於某些服裝店閒逛看衣服時一直被店員跟在身後,直言日前誤入服裝店被女店員跟着「嚇到耳仔紅晒」。他點名大讚GU及UNIQLO不會要求店員主動服務顧客,讓人能夠逛得自在。他斥責,「啲管理層可唔可以用下個豬腦,要職員跑數嘅目的係多啲人買衫,但依家變到職員愈想跑數就愈趕客」。

有名自稱「毒X」的連登仔發文表示,不滿於某些服裝店閒逛看衣服時一直被店員跟在身後,直言日前誤入服裝店被女店員跟着「嚇到耳仔紅晒」。(《堅離地愛堅離地》劇照)

該名連登仔以「好心唔好再逼啲職員跟住個客睇衫啦」為題發文表示,不滿一些平民服裝店,即1件上衣最多售300至600元的店舖,會要求店員跟着顧客以隨時提供服務,高級服裝店則另計。他憶述,日前誤打誤撞進了1間服裝店,隨即被1名女店員跟在身後,看着他選衣服,身為「毒X」的他「嚇到耳仔紅晒,扮拎起件衫睇,嚇到隻手都震埋,差啲掛唔返上去」,揚言「今世都唔會再入U記(UNIQLO)以外嘅地方買衫!」。

他指出,「GU及U記有版你睇」,店員只會自顧摺衣服,他認為好生意的先決條件並非衣服有多高質,而是顧客選衣服選得自在,店內人流多自然衍生羊群效應,吸引更多人流。他說,「你間舖啲衫幾靚都好,間舖鬼影都冇,全部都係職員,啲客一入去就成班後生仔職員望住佢,再派一個跟住尾,仲係咁問啲客想要咩、想搵咩」,反而讓他感不自在。

他表示,曾到日本GU及UNIQLO購物,雖然當地分店有幾層樓高,但店員不會跟着顧客,不擔心顧客找不到自己想要的衣服,「你香港俾你大極咪千幾呎,你學咩扮擔心人哋搵唔到自己想要嘅嘢」。他說,明白店員跟着顧客是公司規則,但反問「啲公司可唔可以用下個腦去諗諗依件事呢?你係想搵錢,定係想扮高檔,嚇走你嘅目標客戶群呢,你件衫賣得2-3舊水,你又想你啲客有幾高級呢?」。

他斥責,「啲管理層可唔可以用下個豬腦,要職員跑數嘅目的係多啲人買衫,但依家變到職員愈想跑數就愈趕客」。(Waldemar Brandt@Unsplash)

不少網民深有同感,指出「真,利申冇社恐,純粹想要返啲私人空間」、「行過嚟煩我我會即走,我睇啱會叫你㗎啦」、「成日俾人問,想搵啲咩款,我X知點分咩,路過行入嚟望兩眼咋」、「香港入啲細舖頭,唔出名個啲先係打boss(大佬),一入去你去邊跟到邊,你一停低係咁同你講呢件好、呢件靚,係咁拎來俾你試」。

有網民表示,「係香港先興呢一套,外國X,除非啲咩貴嘢,luxury(奢侈品)或車行睇車,先有人主動approach(接近)你」、「職員:唔係以為我想溝你下話,我都係跟公司規定」、「唔跟住啲客咪好似U記咁俾人亂摷,打仗咁,收工又要用幾多時間執返整齊」。

有於銷售行業任職的網民指出,「作為一隻sale狗(銷售員),只能講所有嘢都係老闆同西客逼出嚟,唔係邊個唔想X揈揈企喺到就有單開」、「事實係有冇chur客舖頭條數最少差3成,真係摺到咁就唔好行街啦,普通social(社交)都咁驚」。

有人建議「講聲自己睇啱再問佢,多數都唔會再煩你」,不過有人反駁「一樣會照煩,佢只會望住你,等你一攞起件衫佢就會出聲,但我只會更快放低,因為唔想佢出聲」,有人則說「毒X咪上網買囉,依家大牌子上網都買到」。