星光熠熠|張天賦曾比特首度登紅館合唱:唱到自己歌絕對係成就

撰文:劉傳謙
出版:更新:

《星光熠熠耀保良》昨晚(28/11)在紅館舉行,兩位男新人王熱門人選曾比特(Mike)和張天賦(MC)同樣首次登上紅館獻唱,Mike直言感到震撼、興奮:「細個真係睇騷就睇得多,都會希望自己可以喺呢個台上面唱歌,畢竟呢個係香港最大嘅舞台。今日可以真係企喺度唱歌係好開心,加上呢個表演咁有意義,成件事就好似有加乘效果,好興奮。」

Mike與MC一樣首次踏上紅館舞台,互唱對方的歌。(節目截圖)

MC則說上台一刻能馬上忘記緊張感覺:「感覺係好意外,因為我臨出場嘅時候好緊張,但係一踏出去見到好多觀眾,呢種感覺係覆蓋咗緊張嘅情緒。同埋舞台比我想像中大好多,之前綵排都知道大概係點,但係當有觀眾喺度嘅時候,加上多咗燈光效果,成件事會覺得好靚、好震撼,好期待可以再踏上。」

昨晚其中一部份,MC和Mike先後合唱《我不如》和《反對無效》,前者覺得機會難得:「喺紅館唱到自己嘅歌已經係非常榮幸、開心嘅事,今次唔止唱一首,仲可以唱埋佢嗰首,所以更加開心。我哋係今年新人,當然仲有好長嘅路,但係依家已經可以喺紅館唱到自己歌,絕對係一個成就。」Mike補充說,這次是出道以來首度合作:「大家唱對方嘅歌,感覺真係好唔同,本身已經好少有機會有呢類型嘅crossover,今次仲要唱人哋嘅歌,成個感覺幾特別。」

合唱《我不如》和《反對無效》,兩人同樣覺得今次crossover特別。(梁碧玲攝)

星光熠熠|張敬軒心情未受愛犬病重影響:要做嘢嘅時候就要做嘢

至於問到年底樂壇頒獎禮中,誰較大機會贏新人獎時,Mike先說今日看到很多MC的歌迷,更在觀眾席中預祝MC 後日(1/12)生日快樂,覺得對方機會不少。MC除了感謝歌迷支持,也說自己對獎項抱平常心:「我嘅宗旨係做好我嘅音樂。」Mike則說二人在出道前已經相識,在頒獎禮中會有種重聚的感覺:「我覺得唔應該用一個競爭嘅心態參與,反而係好似大家一齊去畢業旅行咁玩嘅感覺。」

MC同去畢業旅行心態迎接頒獎禮。(梁碧玲攝)