海洋公園3大機動遊戲9.1退役 濕身滑浪飛船及最靚景過山車成回憶

撰文:李紫銘
出版:更新:

隨著海洋公園轉營,部分經歷多年的遊樂設施將陸續關閉,公園的三個機動遊戲「極速之旅」跳樓機、「滑浪飛船」及「越礦飛車」,即將於9月1日關閉退役。這些設施為不少遊客留下美好回憶,更陪伴不少香港人由年少到成家立室,當中服務年期最長的「滑浪飛船」已運作37年,近日不少家庭也趁這幾天到海洋公園,希望帶着孩子一起玩,重拾童年回憶。
攝影:黃舒慧
攝錄、剪接:李紫銘(部分片段由海洋公園提供)

最美風景的過山車

+4

「越礦飛車」自2000年啟用至今已服務超近21年,區域經理李浩賢(Winston) 指,當初製作越礦飛車的廠商也已經不存在了,而且當時「越礦飛車」是該廠商製作的第一款過山車,是園內最合家歡的過山車。

Winston說:「要講速度、離心力,越礦飛車肯定唔係園內最刺激嘅遊戲,但係最多一家大細嚟玩。亦都因為唔算太刺激,有時會見到好多爺孫一齊玩!雖然刺激度唔夠,但佢賣點係景色一流,可以睇到南丫島同香港仔。」

而越礦飛車在萬聖節期間也會開放晚間時段,人龍也不遜於熱門鬼屋,動輒也要排一至兩小時。

🔼🔼🔼🔼👉🏻👉🏻👉🏻👉🏻炎炎夏日最好就係同小朋友玩水:海洋公園水上樂園9.21開幕 率先試玩八彩天梯 呢個方法買飛最平👈🏻👈🏻👈🏻👈🏻🔼🔼🔼🔼

惟一濕身機動遊戲

「滑浪飛船」是目前海洋公園惟一會濕身的機動遊戲,同樣是不少家庭的回憶,區域經理鄺智偉指:「玩得滑浪飛船通常都係一家人,因為得幾個位,唔會似過山車咁,影出嚟張相會有其他唔識嘅人。而且因為衝落去離心力大,影出嚟嘅相好多時都係一家人面目猙獰,頭髮飛起曬。所以即使唔係個個會買相,但一家人玩完後一定會去睇返張相大家笑下。」

畏高症人士惡夢

如果說「滑浪飛船」與「越礦飛車」是較為親子向,「極速之旅」跳樓機則是不少友誼與情侶的一道考驗。區域經理鄺智偉憶述,很多遊戲會強逼不敢玩的朋友、另一半坐上去,又或者很多聲稱不怕的遊客,玩完後「面青口唇白」,令他印象深刻。

鄺智偉指:「對於操作員嚟講當然知道幾時會急降,但坐係上面嘅遊客,除咗覺得好高、景色好靚之外,都有種不安感,當真係急降嘅時候,就會嗌到好大聲。」

上述三個機動遊戲告別在即,市民及遊客可於今年8月31日或之前把握最後機會體驗一下。

🔼🔼🔼🔼想趁開學前玩到盡,去沙灘玩水消暑都係唔錯嘅選擇👉🏻👉🏻👉🏻👉🏻開學前想去沙灘玩?環保署公布全港沙灘評級 3個泳灘水質欠佳👈🏻👈🏻👈🏻👈🏻🔼🔼🔼🔼

按圖即睇一級泳灘名單

+2

按圖即睇二級泳灘名單

按圖即睇三級泳灘名單

你可能感興趣