張寶兒零孕味現身 爆袁偉豪睇超聲波眼濕濕：聽到BB個心跳
撰文：吳子生
出版：更新：
袁偉豪與張寶兒（Bowie）2020年正式拉埋天窗，結婚3年，昨日Bowie在IG貼上BB超聲波照宣布有喜，獲不少圈中好友留言祝賀。今日（2/6）Bowie現身將軍澳出席無綫《2023香港小姐競選》「全球招募 最後召集」記者會。
張寶兒表示未知預產期。（葉志明攝）
唔通係B仔？（IG/@benontheroad_）
Bowie受訪時表示：「其實而家我係意識到身體有分別，胃口上唔同咗，以前會唔揀飲擇食，但而家有啲嘢食咗落去會有反胃嘅感覺，但喺呢個階段我就未感受到個BB。而最震撼係我同阿Ben第一次睇超聲波嘅時候，我哋係聽到心跳，同埋見到個BB真係會郁，我哋係靜晒，而阿Ben都感動到眼濕濕。」
張寶兒今日出席無綫《2023香港小姐競選》「全球招募 最後召集」記者會。（葉志明攝）
被問到工作上安排？Bowie表示：「工作上一定會有調整，但實質會係點，都需要公司去安排。（開始睇嬰兒用品未？）自己係會開始去睇相關嘅用品，但而家我會處理好自己身體先，因為而家我要學習要食啲乜嘢去調理好身體，睇吓有乜嘢營養補充品有食。」
+7