安心出行│沙田老牌茶記質疑成效 稱只能勸喻式着顧客掃碼

撰文:
最後更新日期:

昨日(16日)政府宣布,食肆於明天(18日)起可有條件恢復晚市堂食,限時至晚上10時並容許最多4人一枱,惟食客進入時必須以手機掃瞄「安心出行」二維碼或登記個人資料;此外,食肆員工亦要每14日進行病毒檢測。晚市禁堂食多時,本來不少市民、食店都十分期待能早日放寬防疫限制,但同時又對「安心出行」感到抗拒。疫情發生以來食店生意遭受重創,屋邨小店又是如何看待是次安排?

沙田瀝源邨一間有40年歷史的老牌茶餐廳,門外與其他食肆一樣,貼出了「安心出行」的藍綠色告示和二維碼。老闆鍾先生表示,明天將不會、也無法強逼客人掃描二維碼,「唔係個個都有電話或者會帶電話,如果佢冇電話去填資料,我冇權查身份證,你話係陳大文咪陳大文囉!」鍾先生指,食肆不是執法者,只能勸喻式着顧客遵守相關安排。

「譬如人哋食煙,勸咗佢都要食都冇辦法;又例如有人隨地吐痰,我想掌佢咀,但唔得丫嘛!」鍾先生表示,認為「安心出行」在防疫方面作用成疑,「對疫症嘅控制唔係咁有效囉, 應該多啲教育、宣傳,叫人清潔自己、保持社交距離、自律,咁先正常。」他坦言,即使可以恢復晚市堂食,仍然不支持「安心出行」,「其實係寧願唔做,因為都係冇得做,只不過係政府把戲,話放寬其實係畀個難題你。」鍾先生亦質疑「如果要開點解唔喺過年前開?」

鍾先生又指,飲食業的員工流動性太高,不少人是散工,認為難以每14日就前往進行檢測,屆時亦很難安排人手。他認為,不少客人都不會願意透露私隱、資料,不明白為何香港要搶先做「安心出行」。被問到是否擔心政府明天起會派人檢查食肆是否有嚴格執行「安心出行」,鍾先生指會坦然面對,「煮到埋嚟咪食囉,嘢我就照做,叫咗人哋去掃,做唔做到係另一回事啦。」



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。