【三個女人一個因】陳俊堅終於有發揮：呢套劇係入行後最大的挑戰
撰文：黃梓恒
出版：更新：
《三個女人一個「因」》出街後反應一直良好，頭兩周收視更有平均18點，比起上兩套周日劇都高出2點，無論收視和觀眾的回響都偏向讚好，當然全靠幕前幕後的努力。《三個女人一個「因」》除了三位主角黃智雯、袁偉豪和陳智燊之外，一班配角都相當重要，其中一位便是擔任最近兩集的單元主角－陳俊堅(Kinlas)。
佢飾演一個瘋狂Fans。（電視畫面）
如果你經常睇TVB的劇集，你不會對Kinlas的樣子陌生，不過就未必叫得出他的名字2014年由《愛·回家》開始，他便開始不停客串劇集，到今時今日終於可以做一個單元角色的主角，終於漸漸受到肯定。在接受《香港01》訪問時，他談到今晚在法庭那一場戲是入行後最大的挑戰，加埋上星期在站在跳樓邊緣爆喊的一場戲，更加令觀眾對他加分，他表示：「拍場喊戲時，將啲唔開心嘅回憶，一啲你一路記住又好深刻嘅痛苦回憶諗返出嚟，同埋要背到啲對白好熟好熟，要倒返轉都可以背返出嚟先得。」拍喊戲的確好有講究，太假太誇都唔好，做得自然是一個新演員最難跨越的一個障礙，看來Kinlas已經可以成功駕馭，繼續努力吧！
【三個女人一個因‧任噏亂評】高層未信任黃智雯 收視成平反理據
【三個女人一個「因」】劇集三大亮點 黃智雯爭視后要靠呢個角色
呢幕喊戲唔易做㗎！（電視畫面）
+6