【全民造星II】99號陳卓文認抄姜濤「撞衫撞樣」:上年佢爆咗出嚟
撰文:秦志鴻
出版:更新:
ViuTV選秀節目《全民造星II》的96名參賽者於今日(23日)首次總動員會晤傳媒及錄影節目。早前就有指99號的胡卓文與上屆同是99號、總冠軍姜濤撞樣兼撞衫,樣子是否相似就見人見智,至於服飾,今日陳卓文就自認抄到足:「係大會叫我哋自己準備黑白色嘅衫,咁上年呢啲相咁精彩,而姜濤又爆咗出嚟 ,咁我就以玩吓嘅心態,去買咗一套同佢幾乎一模一樣嘅衫。」
原來仲有「翻版Edan」
因為《全民造星》而組成的男子組合MIRROR今日接受傳媒訪問時亦認同姜濤與肥文「非常相似」,但原來撞樣的不止一人,Edan謂:「我好留意一個,因為佢哋話好似我,直頭經理人寶姐都話佢係型版嘅我,花姐仲話佢樣樣嘢都好過我,叫我執定包袱,所以我特別留意呢個人!(執咗未?)我幫佢執包袱諗住,講笑啫。」到底邊個係「翻版Edan」呢?花姐話,原來是28號參賽者「MC」張天賦。