母親節｜劉丹預告在家慶祝　爆小糯米從不過問媽媽楊冪：生活開心

劉丹（丹爺）昨日（10/5）現身荃灣廣場出席無綫處境喜劇《愛·回家之開心速遞》「共度母親節」宣傳造勢活動。丹爺接受《香港01》訪問時透露母親節當天，會留在家慶祝：「嗰日我哋就唔出街食飯，反而啲仔女已經訂咗啲食物，到時就留喺屋企慶祝。而孫女小糯米佢同以往一樣都會畫畫送畀嫲嫲，到父親節佢又會畫畫送畀佢爸爸，又會送畀我，佢都好乖，我哋都好開心。」

劉丹今日現身荃灣廣場出席無綫處境喜劇《愛·回家之開心速遞》「共度母親節」宣傳造勢活動。（葉志明攝）

丹爺透透孫女小糯米日漸長大，十分生性，每逢母親節從不過問媽媽楊冪的事：「佢從來都冇問過，因為我哋對佢好好，佢生活係過得好開心，而我老婆同個仔就會成日帶小糯米出街陪佢去玩。相反我喺屋企嘅角色就會比較嚴厲嗰個，不過講到尾我邊捨得鬧佢呀。」