劉馬車冇牌亂入渣打馬拉松被查　會去警署備案：好多人想我死

網紅KOL劉馬車今日（12/02）神奇地出現在渣打馬拉松賽事當中，清晨時份他接受《香港01》訪問時表示自己沒有登記及號碼布，並說想現場交報名表格。直到10時多，他卻出現在終點位，更開Live自拍，其後他向《香港01》表示自己借了朋友的號碼布「參賽」。及後香港業餘田徑總會表示會再了解相關情況。

今日晚上劉馬車再回覆《香港01》，直言自己會去警署備案。他說：「首先香港田徑總會話向我追究我唔知點樣追究，但係我知好多人（網民）想我死。冇問題㗎，可能呢幾日都會去警署備案解釋個情況。」

他豪言自己一舉一動都受到全城矚目，難免會惹來閒言閒語。他說：「我預晒啦，好多人想我死。我而家跑步啫，又唔係入去搞事，咁咪同人解釋返囉。至於朋友借（號碼布）畀我嗰度，一人做事一人當，我唔會講任何嘢嘅。啲人想睇我劉馬車點樣XX，但係冇人真心話我劉馬車熱血，跑到身體殘晒，冇人關心我，反而跑完就睇我點樣折墜，我覺得好悲哀！」他也表示，之後也會聯絡田總方面解釋。