【情人節.有片】女友拍拖的說話技巧 3招傍身男友實冧死你

撰文:黃浩晉
出版:更新:

又嚟到一年一度嘅情人節,相信男士們都非常頭痛,一來荷包準備大出血;二來無論送咩禮物,點樣慶祝都好似唔啱另一半心意咁。既然女士們總係會搵到一萬樣錯處,與其發火搞到大家都收唔到科,不過試下「調節」心態,「笑」住面對,好好醜醜都過埋今日先。

如果你咁「不幸」遇到以下5個情況,可以參考下點樣應該打圓場。

P.S.單身嘅朋友都可以袋定幾招旁身

祝大家好運!

女士們,學嘢喇!

1.食茶記慶祝情人節

個個都食燭光晚餐,唔通個個都想食燭光晚餐咩?有留意行情嘅朋友都知道,情人節正日是旦搵間西餐廳食晚飯都要500蚊起跳,可憐男士荷包赤呀!絕對明白如果男朋友帶你去食茶記,女士們一定扯火,不過如其眾目睽睽之下爆seed,不如試下忍住道火,曲線表達怒火啦!

試着不要說:

「又食茶餐廳!?上年又係食茶餐廳,你到底有冇心同我繼續拍拖㗎!?」

試着說:

「BB,你真係專一㗎啫!份工又一樣,人工又一樣,上年同今年都係食茶餐廳,唔知下年我哋仲會唔會一齊食飯呢?」(甜笑emoji樣)

不如學下林淑敏咁,溫柔地表達怒火啦。

2.發現電話Wallpaper唔係合照點算?

明嘅明嘅,情人節正日見到男朋友手機Wallpaper轉咗其他相唔係合照,的確令人莫名其妙同扯火嘅。各位男士們喺呢啲細節位都唔記得交戲,又真係抵打嘅。如果女士們「不幸」發現又應該點做好呢?

試着不要說:

「點解你唔用我哋嘅合照做wallpaper呀?依家好失禮你呀?你以後望住佢隊波得啦!」

試着說:

「我都知道我個樣未必有容祖兒咁靚,我見有個美白、去斑、消脂、豐胸、重塑、提昇療程都係$214,000咋!我做完個treatment再同你selfie做wallpaper咪唔會失禮你囉!」(甜笑emoji樣)

如果你忍得住,好似林凱恩咁甜同你男朋友講嘢,相信你叫佢做乜都得啦!

3.切忌無理取鬧

如果你男朋友「一炮雙響」,中晒以上兩樣嘢真係唔抵幫;不過點都好,過埋呢日再算啦,如果唔係大家都唔知點落台。唔好話喺條街到爆seed會俾人拍片放上網,就算喺屋企兩個無言以對,場面都幾難堪㗎……

不如試下唔出聲,話唔定你男朋友會知驚即刻補鑊呢?話唔定會嘅……

好似謝芷內倫咁甜笑掩飾怒火,相信大家嘅情人節都可以安然度過。