無綫處境劇《開心速遞之愛‧回家》昨晚播出的一集，罕有地出現露肉鏡頭，而呢個重任就落在朱凌凌 （吳偉豪 飾） 身上。在劇中從未騷過肌的朱凌凌，今次首露就來個半裸任睇，仲要不止一場戲，外型屬於小鮮肉的他，身材一向偏瘦，但一除衫真係不得了，正如劇中的湯圓圓（楊秀惠 飾） 所講：「你都幾大隻㗎喎！」又確係幾大隻㗎，線條勁結實，明顯是有操練過的身型。該場戲由14:56到16:56足足兩分鐘，朱凌凌都是半裸上身曬肌任睇，真係好吸睛。

【開心速遞】新成員楊秀惠正式登場 同朱凌凌發展師生姊弟戀？

之後仲有一幕朱凌凌唔止除衫，仲除埋褲，除剩條boxer，呢兩場戲都令觀眾同網民睇得好開心。難得激罕騷肌，吳偉豪亦有特地為呢場戲下苦功，他說：「都有事前操肌㗎，好彩今次導演一早同我講咗要除衫，我有大概一個月時間去準備，嗰個月入面我成日去做gym。飲食方面無咩點改變，盡量食多啲嘢囉，因為我本身好瘦，係超瘦嗰種。」唔知嚟緊仲有無呢類戲份呢。

【開心速遞】型男Jacky同送水輝爭女 從後熊抱大小姐講我愛你