【後生仔傾吓偈】點先可以GFable？ 馮盈盈：同瘦底大波一樣咁難
撰文：鄺鈺瑩
出版：更新：
麥明詩的擇偶條件中並唔有上進，佢話男仔太上進少會變相少時間陪自己。
最新一集《後生仔傾吓偈》全女班上陣，女人圍埋話題離不開男人，馮盈盈雖然名花有主，但一聽到「Boyfriend-able」呢個字眼，都話要當自己無拍拖先。
每次一講仔，馮盈盈都真心投入。
講到擇偶條件，麥明詩就話一定要「思維清晰／聰明、好脾氣、幽默」（咦？！所有條件都咁似林作嘅！）原因係思維清晰先可以理性傾到問題，好脾氣會令大家相處比較舒服，但對麥明詩來說，幽默一定係最重要，因為「會有情趣，而且鍾意聽冷笑話」，不過，佢最後亦都補充一點，就係「男仔必要時可以好獸性」
馮盈盈話以前成日都睇「霸氣總裁俏秘書」類型的小說……
而馮盈盈的擇偶條件，就分別係「靚仔、壞壞的、同有品味」連佢自己都話係膚淺到極，更解釋係因為細個睇太多言情小說，所以成日幻想會在自己遇險時有個霸道男人出手相救……之後馮盈盈更笑言連爸爸都知佢膚淺，所以由細到大都向佢灌輸「一定要搵個靚仔老公，因為對一世」。之後，麥明詩提到唔少男仔都希望另一半可能時而小鳥依人時而獨立時，馮盈盈就話「同瘦底大波一樣咁難」，睇嚟FYY都好了解男人咁喎。