最近網上瘋傳40歲無綫小生陳智燊（Jason）已經離巢，甚至連維基百科（Wikipedia）都寫他在「2018年6月底與無綫電視結束合約」，原因極有可能是他打算待32歲老婆宋熙年生B後，專心做全職住家湊仔公同兼職做YouTuber，令好多電視精感到非常可惜。

陳智燊宋熙年公佈陀男B　「好多野未準備好，要請教朋友幫手！」

到底Jason是否已經離開TVB？日後去向又怎樣？他接受《香港01》訪問時答謂：「未喎！仲傾緊續約嘅嘢。（維基都寫你走咗。）咁搞笑？」

他又指自己回港後即加入TVB，視公司是自己的家：「關係好好，珍姐、樂小姐同Sandy都好錫我。（咁你依家份約幾時完？）呢點唔重要啦，最重要係之後係點，但一切都係仲傾緊，唔方便講太多。」講到他的演藝事業，他就指自己團火仍在：「都好想接多啲唔同嘅工作。」咁即係之後都可以在電視機中見到Jason啦！

宋熙年陀B四個月 與老公陳智燊積極搵「奶粉錢」

提到B仔即將在9月出世，Jason坦言慶幸未有工作安排，所以可以專心睇住老婆：「由一開始擔心，到依家既開心又緊張。好彩依家冇工作在身，可以喺屋企等啲BB傢俬陸續送嚟同出去執啲BB嘢，又要啲床送嚟時安排老婆出街，傳統上係要咁，都有少少屎淋尿瀨架！哈哈！有時都要帶老婆去做GYM。」

陳智燊原來係隱藏肌肉男 收埋40吋胸肌：40歲先練唔係咁容易

點擊下圖睇陳智燊同宋熙年有幾恩愛：