孖大隻男睇傢俬疑似共築愛巢 衛詩雅：對佢未有好大感覺
撰文：吳子生
出版：更新：
衛詩雅（Michelle）昨晚（26/9）出席在金鐘舉行的外國著名百貨旗艦店新店開幕活動。有慳妹之稱的Michelle，早前終於儲夠錢「上車」買樓做業主：「我早兩星期先搬入去住，覺得好唔習慣，因為本身好黐住阿爸阿媽，每次返到屋企有啲唔開心，感覺點解會得自己一個人。」
Michelle表示不介意與年齡細過自己的男生拍拖。（梁碧玲攝）
提到早前報導有指孖住大隻男睇傢俬，共築愛巢發展新戀情，Michelle澄清說：「個男仔係我一個好朋友，咁啱個日佢喺我睇傢俬嘅附近，因為佢約咗人又未夠鐘，咁所以佢陪我去睇，其實之後仲有朋友嚟，但唔知道點解冇影嗰幾個朋友，啲朋友反而有啲唔開心，仲問點冇影到佢哋，我咪話佢哋，可能你哋唔夠高。」
（有冇機會同大隻男發展？）Michelle直言：「應該冇，其實對佢暫時未有好大嘅感覺，咁所以大家都冇進一步發展，其實我唔敢亂拍拖，自己會覺得每一次分開都好傷心，所以情願慢慢睇清楚先，況且每次拍拖，屋企人都畀好大壓力我，因為媽咪好嚴格，成日會問好多嘢，令我好頭痛，咁所以令願唔拍住。」