黃嘉樂搏命搵錢 望盡快與女友拉埋天窗：唔希望要10年後
撰文：陳芷穎
出版：更新：
黃嘉樂今日（5/12）出席「十二月星辰」活動，生日願望都是圍繞工作：「希望來年多啲劇拍，遇多啲好角色。」。嘉樂事業心重，女朋友再三叮囑生日正日要留給她：「佢好似好神秘，我話生日唔留畀你，留畀邊個呢。」認真sweet！
黃嘉樂有新劇在身，聖誕節要在工作中度過，未能與女朋友二人世界。（葉志明攝）
同女朋友感情穩定，幾時會拉埋天窗，嘉樂說：「我而家好努力搵錢，先可進行心目中嘅婚禮。希望滿足到女方一生人一次嘅party。」至於幾耐會成事，嘉樂表示：「絕對唔希望要十年後，呢2、3年會拼盡全力工作，有穩定收入養妻活兒。」相信女朋友聽完一定冧爆。
黃嘉樂澄清《多功能老婆》一角絕不是花心男，同現實一樣咁專一。（葉志明攝）