何鴻燊逝世│何猷君奚夢瑤現身樂園 網友:未出殯合適嗎?

撰文:洪曉璇
出版:更新:

香港嘅疫情逐漸受控,市民都開始回復正常社交,兩大主題樂園重開後預約入場火速爆滿。估唔到賭王何鴻燊四房兒子何猷君同太太都有入場玩樂,迅速衝上微博熱搜,網友鬧佢守孝期間去玩相當唔尊重先人。

賭王何鴻燊生前相當疼錫各子女。(IG:@momomarioho)

何鴻燊逝世│何家報章刊登訃聞 驚現賭王第17名子女「何猷邦」

何家早幾日刊登訃聞,賭王將於下月9號設靈10號出殯,同時亦令神隱多時何生第17名子女何猷邦身份曝光。何猷君呢日被影到同太太奚夢瑤現身迪士尼樂園,佢地身穿黑色衫,同兩名友人喺餐廳食飯,猷君更戴上米奇老鼠耳仔頭飾,童心未泯,離場時更手持大袋戰利品。猷君表示8個月囝囝喺屋企,對哥哥猷邦嘅問題表示不回應。

何猷君同太太奚夢瑤現身主題樂園。(IG:@momomarioho)

中國人傳統上先人過身後,後人需要守孝,治喪期間儘量不登門拜訪親友,服喪期間遠離娛樂場所,以表示對先人禮敬追思。雖然依家唔使守孝3年,但賭王尚未設靈,身為孝子去主題樂園遊玩,大批網友留言質疑猷君:「這個時候不太好吧。」「你爹還未出殯就去遊樂場,真的合適嗎?」亦有人指奚夢瑤小腹平坦唔似有第二胎。

何鴻燊逝世│訃聞令賭王第六名兒子曝光 何猷邦疑為四房長子

網友對何猷君守孝期間到主題樂園議論紛紛。(微博截圖)
+19