TVB人氣男神周嘉洛近日現身綜藝節目《試真 D》 擔任主持，其造型隨即在網絡上掀起熱烈討論。節目中周嘉洛身穿一件墨綠色緊身運動長袖衫，胸肌線條極其明顯，令大批網民睇到「流晒口水」。

網民大讚睇到飽

有網民發帖激動直言：「唔知有冇人睇試真D，但我淨係睇到周嘉洛好大隻，佢做鄭官都好靚仔，勁沉點算😭」，串文一出隨即引起熱議，大批網民紛紛留言垂涎周嘉洛的驚人胸肌，直言：「個胸肌🤤🤤🤤🤤」、「真係，成個節目淨係睇佢d肌肉都飽😍」、「認真目光冇離開過佢」。

封「港版金珉奎」唔係浪得虛名

更有網民將周嘉洛與韓國人氣男團SEVENTEEN的肌肉擔當金珉奎相比，直指他是「港版金珉奎唔係浪得虛名（fans唔好嬲）」。完美身形並非一朝一夕，有網民爆料周嘉洛私下極度勤力健身。有網民透露曾目擊他努力操練，表示「佢成日半夜去247，見過佢」，亦有忠實粉絲指出：「佢啲IG Story成日都係去健身，就係為咗著呢啲衫出鏡」，可見為了維持最佳狀態下足苦功。