陳展鵬前晚（11/6）現身將軍澳電視城出席無綫劇集《逆天奇案》大結局齊齊睇。提到在劇中酒後亂性背住未婚妻Wing（林夏薇飾）同馮盈盈上床一幕，引起網上熱話。展鵬表示：「其實呢類型嘅角色喺我身上係好少。而我好記得係《巨輪》上係試過，但嗰陣時嘅角色唔係咁，而係好進取搵好多錢，我就心諗呢啲角色原來會有咁大迴響。」

陳展鵬續說：「其實我太太都有問我，我可以去到幾盡？我話三級片都得。咁喺電視尺度三級片實唔得啦，問心個句，都好多影帝都拍過三級片，咁所以三級片唔一定唔好。其實喺我哋嗰個年代，啲反派演完出到街，係咁畀人鬧咁先成功。相比而定啲反派就點到即止咁功能嘅，咁係好難扯到觀眾入嚟。其實而家劇集都好國際性，咁所以我覺得劇集尺度視野，應該同電影一樣放遠啲，要追近，如果唔係電視同電影只會越拉越遠，電視搞吓搞吓變咗兒童節目。」