馬國明今晚（25/7）齊齊現身鑽石山出席無綫劇集《白色強人II》之「全城集結優先共賞」活動。提到今年在台慶檔期有《法言人》劇上，加埋今次重頭劇《白色強人Ⅱ》加持，奪視帝呼聲高唱入雲。

馬國明笑言：「其實我都未知《法言人》係唔係台慶劇，仲未知。而今屆攞唔攞視帝都係抱住平常心。因為同劇演員郭晉安，陳豪都係好強嘅對手嚟，話晒佢哋都係視帝級人馬。不過我就最想《白色強人II》攞到「最佳劇集」，因為呢個係大家努力嘅共同成果。（但觀眾好想你攞視帝，同時見證你迎娶湯洛雯！）其實攞唔攞獎同結婚係兩樣嘢嚟，總之我哋有喜訊我哋會宣布，大家唔使咁擔心。（觀眾急過你！）哈哈，唔使急。（你急唔急？）哈哈！隨緣啦。」