【HKBN／香港寬頻／斷網】在家工作和煲劇有什麼比斷網更可怕‧？今午多個社交平台及討論區有人發帖，指香港寬頻屯門、元朗、天水圍用戶突然無法上網，連商業用戶亦受影響，大呻「WFH 斷網，俾佢搞Ｘ死」。大批用戶湧入香港寬頻官方facebook鬧爆，指多次致電熱線無人接聽，又批評官方帳戶上「咁大件事都唔出個通知？」、「打咗半個鐘都冇人聽電話」。

香港寛頻回覆《香港01》查詢時表示，就元朗、屯門及天水圍地區的網絡服務中斷情況，經初步調查，是次服務中斷由屯門青山公路第三方工程引致的光纜線路受損造成，經工程團隊搶修後，服務已於同日晚上8時全面恢復。對於受到影響的客戶，香港寛頻深表歉意。

香港寬頻屯門、元朗、天水圍出現網絡故障

今時今日無法上網在公在私都是場噩夢。今午（4月11日）多個社交平台及討論區有人發帖，指香港寬頻屯門、元朗、天水圍出現網絡故障，多個家庭及商業用戶表示中午起無法上網，紛紛留言鬧爆「WFH斷網，俾佢搞Ｘ死」、「商業寬頻一樣，早兩日仲話打嚟續約」、「成2個鐘都未搞好」、「X唔怪得打打下機斷咗線」、「世界末日啦.jpg 」。

用戶稱收通知晚上8時半前完成維修

有用戶則貼出香港寬頻APP的通知，又稱收到短訊「預計21:36維修完畢」，但亦有用戶稱收到通知為晚上8時半前完成維修，部份家庭用戶表示暫時改用手機分享網絡訊號上網。

用戶湧fb：咁大件事都唔出個通知？

許多用戶湧入香港寬頻fb專頁鬧爆，「咁出咗事，FB又好Apps出份通知好難？」，分別有朗屏、元朗市區、屏山、水邊圍用戶表示無法上網。

由於香港寬頻官方facebook未發帖交代事件，許多用戶在其他帖文下留言表達不滿，指不停致電服務熱線均無人接聽，「打咗半個鐘都冇人聽電話」、「冇網絡做唔到生意呀…同你哋門市啲人講又話唔關佢哋事完全冇諗住幫手call上去咁…」、「搞乜，上唔到網，128100打唔通」、「元朗1:35PM之後網死咗嘅…打128100 大半小時也沒人聽」、「又咩事成條村上唔到網，跟住客服不停打唔到狂被cut線」、「世界末日啊。上唔到網。快啲畀返條線我」、「發生咁大件事都唔出個通知？？？點做嘢」。

通訊辦收1宗公眾查詢

通訊事務管理局辦公室表示，今日接獲香港寬頻報告，指該公司一組位於屯門青山灣的光纖線路於下午約1時半因第三方工程受到損壞，導致屯門、元朗及天水圍部份電話及寬頻服務受影響。香港寬頻已即時派員到場搶修，並於下午4時半左右大致恢復受影響的服務。通訊辦已要求該公司於3個工作天內就事件提交初步報告。通訊辦至今收到1宗相關公眾查詢。

（綜合）