蛋塊大小與想像中極有落差！有女生於網上發文表示，她於荔枝角1間連鎖兩餸飯店用15元購買了1份火腿蛋三文治，乍眼一看內裏似是夾着1大塊厚厚的蛋，詎料掀開三文治後，原來只於邊位夾着1條細長的蛋，女生怒斥店家「呃人」，「真係X咗聲！唔使細成咁嘛」。

網民批評店家，「好離譜囉，雞蛋當佢1蚊隻，咁整蛋治1隻蛋可以做3件蛋治咯，使唔使咁啊？」、「點止3件，10件都整到，照佢咁整法」、「呢隻蛋北海道定札幌嚟㗎，直接用1隻使得幾多成本，坤完人哋唔嚟食咪仲死，損人又不利己，有啲食肆真係抵收皮」。

該女生於Threads發文怒斥：「而家係咪生意真係咁難做？三文治都要咁樣呃人？以為好大件蛋，點知一打開見到，真係X咗聲！唔使細成咁嘛。」

荔枝角買腿蛋治　厚蛋塊竟是細長條

照片見到，該份火腿蛋三文治表面看似是夾着1大塊厚厚的蛋，詎料掀起面層麵包及火腿後，竟發現店家只於邊位夾着1條細長的蛋。

網民斥：咁樣做生意想趕客

網民留言直斥，「直頭詐蛋喎！」、「蛋已經好平，仲要花精神去切細，真係好無謂」、「睇佢咁庹縮都唔慌用靚蛋」、「同我樓下間茶餐廳一樣，火腿係半塊之後再切三角形，真係大開眼界」、「咁樣做生意想趕客」、「香港做食肆如此，執笠唔好怪人北上」。

也有網民表示，「呢度係半件腿蛋治，點解唔畀埋另外嗰半件人睇呢？」、「你影咗半件，咁另外嗰半件呢，通常都係邊大邊細」。

（Threads@awswing）

網民分享類似中伏食物▼▼▼