「乜咁啱呀？」有網民分享停車場奇景，指香港1處停車場內，同時間竟有2輛重型貨車翻側，令人嘖嘖稱奇。網民笑言，「2023年興唔上架睇車底？」、「Battle（對決）緊」、「不求同年同日生，但求同日同地同翻車」、「可以夾埋一齊租大吊雞（起重機）」。

該網民於facebook群組「車cam L（香港群組）」發文分享2張照片，可見有貨車於停車場轉彎位向右翻側，倒在地上；而同一停車場內，另1輛貨車則向左翻側倒地，車底還十分新淨，相信是新車「落地」不久。樓主指出，2輛貨車是「同一時間同一地點一齊翻側」。

網民留言笑說，「中暑呀？」、「畀佢休息下啦，一陣佢就會起返身」、「未到（農曆）七月喎」、「結界睡眠區」。有網民猜測出事原因，「劈住入彎嘅後果」、「高速入彎，唔記得自己揸咩車」、「放貨放得衰，上重下輕or側埋一邊」。