張致恆未婚妻雯雯再於IG發文 願一齊行落去︰感情事從來冇對與錯

撰文:李婉文
出版:更新:

藝人張致恆(Steven)在上月底突然宣布結婚及已誕一子,之後被爆出「一腳踏五船」,與多名女性糾纏不清,形象插水。Steven及後在IG發文對舊愛梁皓恩(April)道歉和為未婚妻雯雯澄清,而April在事情過後也在IG「報平安」,感謝大家的關心和支持。事情終於告一段落,雯雯在IG發文疑似為Steven護航,表明「自己選擇嘅就要努力同佢一齊行落去」。

雯雯昨日在IG貼出一張手抱著BB的照片,並寫道「I know the fact and know the truth is already good enough. My most important thing is to be tough and keep going.(我自己知道事實與真相就已足夠,我現在最重要做的事就是要堅強和向前走)」。(Instagram@aumanmannnn)

Steven的未婚妻雯雯繼昨日(18日)在IG貼出疑似抱著仔仔的合照後,其後又再貼出動態消息發長文,內容如下︰「世界上冇人唔會做錯事,你同我都一樣都會有錯嘅時候,至於值唔值得原諒,每個人都會有唔同睇法,而我就覺得都未比(畀)機會,唔通就要判人死刑。感情事從來冇對與錯,自己覺得值得就繼續,就算全世界幾唔睇好係(喺)度鬧,自己選擇嘅就要努力同佢一齊行落去。至於小朋友成長會係點,開心唔開心好同唔好,都唔係你同我可以去做結論,既然佢已經嚟到呢個世界,就俾(畀)空間佢去行佢嘅人生,所以希望大家可以停止去傷害同侮辱,一個只擁有一顆天真嘅心,無論發生幾唔愉快嘅事,都係會帶住笑容的小朋友。我仍然相信每個人都有善良嘅心。」

雯雯在IG貼出一個長文story。(Instagram@aumanmannnn)

其實雯雯在事件發生後,也曾開腔回應,內容大概表示希望大家能給他們空間,又說希望大家給機會爸爸(Steven)盡責任陪伴小朋友成長,他們也會共同做好父母的責任。

點擊下圖重溫一下事件︰

+6