矚目配角|歐瑞偉與太太結婚25年零磨擦:點解要出去自掘墳墓?

撰文:林迅景
出版:更新:

歐瑞偉,1985年至今參演過劇集、電影不下100套,入行以來大多數飾演警察、消防員一類角色,在古裝片則以大俠形象出現,形象正氣又受觀眾歡迎,但其實除了港劇、電影之外,在1995年也曾經去過馬來西亞發展,在那裡他更認識了終生伴侶,馬來西亞當紅花旦李愛玲。

場地提供:Hippie Party @觀塘 攝影:梁碧玲

歐瑞偉在馬來西亞發展時認識了馬來西亞當紅花旦李愛玲,拍拖很短時間就結婚了。(受訪者提供)

異地戀閃婚 歐瑞偉:啱就結婚,唔好蹉跎

兩人認識一年左右便結婚,兼且是異地戀,為什麼會這麼快結婚呢?歐瑞偉回答:「啱就結婚囉,唔好蹉跎,因為一個香港一個馬來西亞,走嚟走去好辛苦,再拖7,8年或者10年,最終都可能係喺埋一齊,命中注定,啱嘅就喺埋一齊。呢啲就係命運安排。」短短幾句就將人生大道理出來,確實不易。

看得出歐瑞偉很愛老婆。(梁碧玲攝)

結婚25年未曾送過一扎花:我份人實際

常常聽人說「愛情需要保鮮」,到底歐瑞偉又有什麼方法?他反而說:「到今時今日,太太都話我好悶,哈哈!」細問之下,原來除了25年未曾鬧交之外,他還未試過給太太送花:「我講一樣嘢,好簡單就知道我係點,結婚嗰日,我送花,就係結婚嗰日,到而家都冇送過花,唯獨是喺馬來西亞結婚嗰日送花,就係送花球。」雖然被老婆開口嫌悶,但他就澄清說自己只是為人較實際:「情人節或者特別節日,佢會話:『吖,嗰扎花又幾靚喎。』我就話:『食飯好過啦。』我都有買其他嘢氹佢,係冇買過花,因為我覺得花易凋謝,只係擺到幾日!」

揀相時,歐瑞偉也會尊重太太的意見,只會挑選太太喜歡的照片給記者,十分體貼。(受訪者提供)

【矚目配角】歐瑞偉做替身終日與死神擦過:騎馬要成個人飛落地下

歐瑞偉透露自己從來沒有氹過太太,笑言還經常被她說:「你好悶。」(梁碧玲攝)

愛情保鮮法

歐瑞偉說得自己與老婆就似是天作之合一樣,難道結婚25年來就沒有發生過磨擦?他聽畢,就思考了一會,說:「好少好少,最多都係佢鬧吓我:『你又唔執嘢。』之後就冇乜啦,所以我好幸運,因為日日鬧交,你就會日日唔返屋企,到最後頭家咪散晒,所以咪話整定囉!」他還說,性格完美配合之外,其實老婆的包容對婚姻也佔了很大部份:「佢以前喺馬來西亞都係做演員,所以好了解我,同埋我真係有信心畀佢。女人真Feel到嘅,你唔好當佢哋傻。屋企已經有個咁好嘅老婆打理,(點解)仲出去自掘墳墓?」原來他的「愛情保鮮法」就只是給予太太信心。

歐瑞偉太太李愛玲,少女時在馬來西亞拍下的照片,十分青春標緻。

「冇咩特別窩心嘅事,因為每一日都係窩心」

看來歐瑞偉似乎對太太的事不上心、「冇心肝」,但言談之間提起老婆時,也總會露出一絲甜笑,就如新婚夫婦一樣,還不時有意無意之間提及老婆怎樣無微不至的照顧家庭。他說:「太太應該冇不滿,如果唔係一定好多聲氣,但係佢冇,咁咪即係『嫁雞隨雞』。佢真係畀咗個好安穩嘅環境我,畀我去拍戲,專心做我自己嘅嘢,所以我覺得好幸福,我已經搞掂咗啦,就唔使諗咁多。佢打理好屋企做返好本分已經得,我哋之間真係冇咩特別窩心,因為每一日都係窩心。」在歐瑞偉與他太太身上,就能體現到細水長流的愛情。

點擊睇更多 歐瑞偉「型佬」相:

+1
發表評論...