曾展望今日（1/4）現身將軍澳電視城出席TVB Plus《奇情谷》節目宣傳造勢活動。對於近日Mayanne麥美恩疑被幕後在網上爆料指為人寸嘴兼大聲無禮貌，帖文隨即引起網上熱議。

曾經與Mayanne合作主持節目《Mayanne小喇叭》的曾展望就事件接受《香港01》訪問時表示：「其實話佢人品差，我都係第一次聽。以我認識同身邊認識佢嘅人都話佢為人係好好。我好記得第一次同佢合作去澳門拍旅遊節目，嗰陣時佢已經好照顧我，去到拍《Mayanne小喇叭》都一樣好照顧我。而我又冇聽到有幕後話佢唔好。」

至於Mayanne被人批很嘈吵，展望表示：「我就認為一班人之中，總會有人會搞氣氛，而佢想大家開心先會咁做。同埋可能有陣時，唔係每個人嘅心情都咁好，變咗個狀態想靜吓。如果你問我，Mayanne為人係好好，同佢相處係好舒服。聽到有人咁話佢，其實我都有少少唔開心。」